Kapituluak oso erritmo onean jarraitzen du, P. Manuel Tamargoren zuzendaritzapean. Gaur, gobernu probintzialaren memoriak baloratzera dedikatutako eguna izanda, gobernu probintzialak animatu du goizeko eukaristia, gorespenak barne. Nagusi Probintziala, Ricard Costa-Jussà, izan da eukaristiaren burua.
Goizeko lehen saioan, akta irakurri eta onesteaz gain, atzo egindako galdeketatik abiatuta hainbat batzorderen osaketa iragarri da. Saioen moderatzaileak A. Joan Soler eta A. Juan Martin Askaiturrieta izango direla ere jakinarazi da; honek gidatuko ditu gaurko saioak.
Kapituluko idazkariak kapitulura bidalitako mezu batzuen berri eman du; horien artean hiru nabarmendu dira, Bilboko Gotzaia den Joseba Segurarena, Sergi Gordo Bartzelonako gotzain laguntzailearena eta A. Aquilino Bocos kardinal klaretarrarena. Azken mezu hau batzarraren aurrean irakurri da.
Jarraian, gaurko lana aurkeztu da, Aita Manuel Tamargok kapituluak hartutako metodoaren prozesuaren barruan kokatu duena. Metodo hori “estimaziozko ikerketa” izenekoa da, azken kapitulu orokorrean erabili zen berbera. Metodo horrek lau etapa ditu: aurkikuntza, ametsa, diseinuak eta konpromisoak.
Probintziaren egoera hainbat iturritatik (Gobernuaren memoriak, kapitulu-aurreko lanen sintesia eta esperientzia bera) abiatuta aurkitzea zen gaurko helburua. Gobernuaren memoriekin hasi gara. 6 lantaldeek hiru lorpen, hobetu beharreko hiru gauza eta galdera edo argibide batzuk aurkeztu dituzte osoko bilkurara.
Goizeko bigarren saioan kapituluari begira egindako ekarpenen laburpen-dokumentua aurkeztu da. Testua egin duen batzordearen koordinatzailea den A. Màxim Muñozen ardurapean egon da. Saioaren gainerakoan, dokumentua norberak irakurtzeko erabili dugu.
Arratsaldeko lehen saioan, gobernu probintzialak taldeek proposatutako galderei eta argibideei erantzun die. Txalo bero batekin eskertu dute kapitularrek bi urte luze hauetan egindako gobernu-lana, batere egoera errazean egindakoa.
Arratsaldeko bigarren saioan taldekako lan bat egin da eta dagokion bateratze-lana egin da. Probintziako egoeraren aurkikuntzaren lanetik abiatuta, sustatu beharreko 3 bizi-hazi eta kendu edo gainditu beharreko 3 “sastrakadi” zehaztu nahi ziren. Ekarpen hori laburpen-batzordeak jasoko du, kapitulu-aitorpenaren lehen zatia izango baita.
Eguneko lana amaitu da proposatu genuen “eskualdekako probintzia” sistema eta “eskualdeko ordezkaria”-ren figura nola funtzionatu duten jakiteko ebaluazio batekin. Horren bidez, probintziaren batasuna eta probintzia osatzen duten lau eskualdeetako kultura- eta hizkuntza-aniztasuna uztartzen saiatu gara. Lana talde txikitan egin da eta bateratze-lana egin da.
Bezperak otoitzak, Italiako kapitular talde batek animatuta, Jainkoari eskerrak ematen lagundu digu egindako lanagatik eta kapitulu-komunitateak arnasten duen anai-giro onagatik.
